Pamarenta Lanta Ele Bagena Bantuan BLT. DD. Tahap I

Bima, KABAROPOSISI.Com--Pamarenta rasa Lanta ele bagena bantuan BLT. DD. ma wancuku aman laboku lancar na. BLT. DD. ake ra karawi ro hengga ra wira aka hidi uma rasa Lanta ele Kecamatan Lambu Kabupaten Bima, ededu memenana ma  raka 175 (saratu pidumpuru lima) kaluarga, cua-cua hangga Rp.600.000.00,- (ini ratu riwu) na.

“Ma raka BLT. Ake na wa,ura paresa ro widi ba katua RT labo katua RW ro TIM COVID-19. Ededu padoma kai hasil mbolo ro dampa kampo ro rasa.” Nggahi Ama Rasa Lanta ele.

Hela ba mbei ro donggo bantuan ede, pamarenta rasa Lanta ele raho ro dodo na ade samenana weki, ma penti ededu waspada ade bala corona ake, ka ntau hela ro langa labo lenga ro iwa, waca rima aina ntau ngala, kawara weki ma labo kasana sarumbu ma labo ta ka deseku mori ra woko ma sehat ro raso, ampona ka do’o ro langaku labo bala corona, nemba pamarenta rasa.

Raho ba pamarenta rasa Lanta, bantuan ake kalola kataho to’ina ade wungana bala corona ma wunga mbou ake,” rahona. (KO.O6)

 

Sumber                        : kabaroposisi.com

Nggahi Mbojona         : Nabil Agus M